|
Uyari: Bu sayfada Lazca sözcükler için "Alboni Font"(yazı karakteri) kullanılmıştır.
"Windows \ Fonts" dizininde Alboni Font olmayanlar karakterleri yanlış görecektir. Bunun olmaması için
Windows\Fonts dizinine
[Alboni Font'u buradan yükleyebilirsiniz].
Ayrıntılı bilgi için Lazuri Font ya da LazuriPC sayfamızı okuyunuz. |
OÜOMADU
Skanden mendra, iri xoloşen mendra vore nana!
Dido ora iqven, éaşa
noméxun
tomalepe muşi, ar oôuûeşen
mendra vore.
Üata qini ixis na bgorup e oôuûeşa.
Awi xolo qini
gemadven, ğalis çxomis na govotxozuûit
ndğalepe gomaşinaşi. Ğali, mevaşkvi
üala doskidu-yi var miçkin?
E ğali, berobaşi ndğalepe steri xomun iya, izmocepes maâiren.
Öita
öita, berobaşi
ndğalepe ti mixomun. Mcve ndğalepe çkimi owkaru
şeni, wkari var
ren akonaşi.
İri xolo xomun, mcveşen doskaderi. İri xolo do, ar mutxa var
xomun : Oüomadu.
Ğalişi wkari
gyuüordas eşo
irden, irden do irden, oôuûe
çkimişi raüanepes,
éaşa nonwun
tomalepeşen çkar ginâe,
üapulaten raüanis
işamiğuûu
ntxirişen çkar monüa,
irden do irden, soti var inûren!
Üiana irki
âira sva var
ren leûa skani,
korba oâğa sva
ren zoôonan.
Dido uçkinan! Leûa
çkimi, nana çkimişi leûa
ren. Nana çkimişi şuri, şura na gulun leûa
ren çkimi. Korba oâğu
mutu var ren.
Skidalaşa ilaviğorert aşo do gomoçüondunan
iri xolo.
Nanaşen mendra çkarti soti var vorert!
Ar dergis dololaps ar mşkeri do ekonaşi irden, irden, dergis
var inûren.
İrki orapes eşo mawonenan.
Dergik mizdipan şkalepes, dergi oüopûaxat,
çkva leûapes,
çkva wkarepeten
virdat minonan.
Vimendranat eşo virdert ya mawonenan.
Yalis eüo çkva
didi mawonenan
ti çkini.
Guri oüomaduten
yipşeûaşa,
virdet mawonenan.
Uüule uüule,
tomapes mtviri memaxolan eşo mevagnert, leûa
do dergiten pskidurt iya. Sotxaşa vidit e leûa
do e dergis na yepzdit entepe moôalunan,
çkva ti mutu var.
Virdert mawonan
eşo, gurepe çkinis uzdips ar mutxanik, oüomaduk!
Virdat eşo çkar yemapşenan micüinan
ôodiyape. Oüovobğapt
do oüovobğapt.
İri xolo çkar dido maqvenan, irkineri ndğaşen. Dulyape
vikipt na gençareli, mutxa dulya miğunan ekolan mutxanepeten
yemapşenan mawonenan
ôodiya.
Virdat eşo cüar
dido mutxanepe vigurapt, çkar dido micüinan
irkineri ndğaşen. İri xolo komiçkinan virdat eşo. Vigurapt,
govulurt, bziropt, viüitxupt,
ôqoropt.
Ar mutxa gomoçkondunan. Ar var jur mutxa. Vibadert do
bğururt. Çkinüala
çkinişen gale mutxanepe ti ğurun; nena, xoma, iris na
vumpulupt do xvala çüin
na miçkinan mutxanepe. Virdart eşo gomdunurt, xvala
dopskidurt. Berobaşen vimendranat eüos
xvala üocepe
dopskidurt.
Toli oüvaşe
domoskidunan, ôodiyape
yepşeri vorûat
tina. Nanaşi ôodiyas
gilapxedit dğalepeşa toli domiskidunan. Xvala na çkin virderûit,
xvala xvala mawoneûesşi
ti çkini, xvala var pqoperet awi
mevagnert. Dergik var mizdipûerenan
şkapes, çkin doloxeşen gepçapûeret
do nana çikişi gurişi çvinis ti unusiminu, vimûerûeret
berobaşen.
Oüomadu yepşeri
ôodiyapeten,
iri xoloşen mendra vorûatşi,
guri çkinis iri oüomadupeşen
oüogzeri
daçxiri nadvasi gomaşinenan, mevagnert, gonep yano ren ti
do; nana ren gurişi siçxvapeşi mövima,
ixi.
Çkva ti mutu var!
Lazuri.com / 09.11.2007
|
